Afar Askari Oo Ku Dhaawacmay Rasaas Ay Ku Fureen Qaar Kamida Gaadiidka Dalka Qaadka Soo Galiya Degaanka Caynaba Ee..

Caynaba-(BNO) Ugu yaraan  Afar askari ayaa maanta ku dhaawacmay  Rasaas ay ku  fureen  Qaar kamida gaadiidka  Jaadka  soo galiya dalku  kuwaaso  oo maalmahanba  ka biyo diidsanaa cashuur  ay ku  kordhisay  wasaarada Maaliyadu isla markaasina bilaabay  inay  si kootarabaana kusoo galiyaan  qaadka  dalka  iyaga oo dhamaanba ka wareegay wadooyinkii ay hore uuga soo galin jireen.
Gaadiidka Jaadka qaada  ayaa tan iyo in  cashuurta lagu  kordhiyey  U wareegay inay  qaadka  kasoo galiyaan dalka  Balligubadle iyo Caynaba, iyagoo sifo sharci darro ah isticmaalaya  isla markaana xoog ku jiidhaya  kaantarooda  magaalayinkaasi.
 
Gaadiidkan  ayaa maanta  Kaantaroolka Caynaba ku dhaawacay  Afar kamida Boliska Magaaladaasi  kadib markii  uu gaadhi kamida kuwa Qaadka qaadaa uu xoog ku jiidhay isaga oo rasaaseeyey  ciidanka meesha ku sugnaa.

 Taliyaha Kastamka Caynaba  ayaa  ku dhaawacmay falkaasi kadib markii sida wararku ay nagu soo gaadhayaan uu isku dayey inuu  gaadhi uu watay  ku  baacsado  gaadhiga Jaadka ee  ciidamada  rasaaseeyey isla markaana dhaawacay  Afar askari,taliyaha ayaa  markii uu in badan  eryanaayey  gaadhigaasi uu la qalibmay  gaadhigii uu watay.

Shirkadaha qaadka ka ganacsada iyo wasaaradda Maaliyadda Somaliland ayaa is marin waa soo kala dhex galay, iyada oo ay shirkadaha qaarkood diideen inay maraan goobihii ay lagu cashuuri jiray oo ay ka mid yihiin kastanka Kalabaydh, waxaanay shirkadahani bilaabeen inay kootarabaan ku soo galiyaan magaalooyinka dalka jaadka iyaga oo diiday cashuurta cusub ee lagu soo rogay.”

Booramaonline Desk