Halkan Ka Daawo Shil Baabuur Oo Naxdin Leh Oo Ka Dhacay Magaalada New-York Ka Dib Nin Islaantiisii Oo Foolanaysa Kulana Ordayo Dhakhtar Ay Isku Dhaceen…

New-York-(BNO) Waalidiin ku nool dalka Mareeykanka gaar ahaan magaalada caanka ah ee New York ayaa waxaa qabsatay nasiibdaro weeyn ka dib markii mid ka mid ah uu wacay Isbitaalka una sheegay in uu soo wado Xaaskiisa oo u dhali rabto cunugii ugu horeeyay ee uu ifka arko.

Waalidiintaan oo lagu kala magacaabo Nathan iyo Raizy waxeey labadaba ahaayeen 21-jir heeysta diinta Orthodox-ka loo yaqaan .

Farxadii Waalidiintaan oo murugo isku badashay intii aysan soo gaarin Isbitaalka ayaa gaari ay wateen waxaa wadada ku qabsaday Shil sababay in ay geeriyoodaan balse cunigii yaraa ee dhalan rabay oo la bad baadiyay ayaa isna saacado ka dib Isbitaalka ku geeriyooday.

Gaarigii ay wateen Waalidiintaan oo ahaa nuuca loo yaqaan BMW-ga ayaa saaid u bur buray balse waxaa cajiib noqotay ninkii shilka galiyay ama ka qaldanaa Lamaanahaan geeriyooday oo watay gaari Toyota ah ayaa lugihiisa ku baxsaday waxaana kiiskiisa baaritaan ku haya ciidamada Booliiska.